C朗首奪沙職冠軍又甩碌？艾納斯周一凌晨作客1比3不敵艾卡迪沙，各項賽事20連勝走勢斷纜，依家只比踢少1場嘅希拉爾多5分，而且下周仲要同希拉爾正面對撼，成為真正冠軍生死戰。
下周對希拉爾定成敗
艾納斯今場作客排第4嘅艾卡迪沙，上半場中段先失，雖然祖奧菲歷斯一度追平，但下半場祖利安基洛尼斯1射1傳，帶領艾卡迪斯贏3比1，終止艾納斯各項賽事20連勝走勢。
如果希拉爾周三凌晨贏卡赫利，就可以追到落後艾納斯2分，下周三凌晨作客艾納斯嘅聯賽，贏波就可以爬上榜首，冠軍爭霸再掀高潮。C朗賽後社交網留言：「一個目標，繼續努力，團結一心！」
