星期日中午，有1場筆者心目中的必睇賽事，衞冕冠軍全北汽車主場對FC大邱。全北雖然2戰全勝，但老實說，筆者覺得有少少幸運成分。首戰靠李東國於比賽末段建功擊退水原，到上場又靠南非前鋒韋迪維積克於92分鐘入波，險勝實力不算太強的釜山偶像，2場勝仗都有點拖泥帶水，而且比賽過程中，其防線表現亦頗多甩漏，一旦遇上鋒力強一點的球隊，就隨時會「出事」。
相反，FC大邱雖然2戰皆和，但表現其實不俗，艾格般奴、施仙夏費蘭度及金大元這個進攻組合，既有衝鋒陷陣型坦克，亦有後上支援，攻擊瓣數頗多，2戰共得1個入球的成績表，某程度上是有點欠運，今場作客仍未進入狀態的全北汽車，我認為大邱會有分落袋，和波會是一個比較合理的戰果。
FC大邱今季成績
100% 和
