今晚亞運男足B組首輪賽事，中國男亞足惡鬥北韓男亞足，今屆賽事喺日本舉行，中國男亞足以獲得今年1月U23亞洲盃亞軍嘅骨幹為主，加入3位超齡大國腳，整體實力有保證，挾近4場全勝之勢，無懼強敵北韓，主勝值博。
（周三晚6時開賽）文:法達斯維
3大超齡球員合組中軸線
亞運男足規定以23歲或以下球員參賽，最多只能加入3位超齡球員，中國隊用盡上限，包括徵召咗攻門把握力強嘅29歲前鋒張玉寧，加上37歲中場老將吳曦同26歲後衞朱辰杰，打造一條大賽經驗豐富嘅中軸線。此外，隊內大部分球員有份參加今年1月舉行嘅U23亞洲盃，質素可靠，打入決賽僅輸畀日本，創出球隊參加這項賽事以來最佳成績，轉戰亞運絕對有力爭標。
另邊廂，北韓男亞足亦有3位超齡球員，但其中一位係門將，似乎傾向加強防守。其他適齡球員質素比較平庸，並且放棄參加今屆U23亞洲盃，錯失練兵及吸收大賽經驗嘅重要機會，臨場應變可能比較輸蝕，對住4連勝嘅中國隊，預料會陷入劣勢，國足有力打響頭炮，一於捧主勝。
賓菲加今季攻力大爆發，葡超6戰5勝1和不敗，攻入21球屬聯賽之冠，歐霸盃外圍賽4勝1和1負，開季至今已經踢咗12場，完全撻着，進攻組合柏夫利迪斯同比列斯甸安尼合作無間，前者聯賽及歐霸盃外圍賽累積14球、後者亦交出8球，最犀利係12場有11場開3球或以上，淨計歐霸盃6場亦有5場開3球或以上，2.5球入球大值捧。
