日聯盃8強首回合矚目戲碼，兩支聯賽前列份子正面交鋒，神戶勝利船主場迎戰町田澤維亞。呢場大戰係上屆日皇盃決賽翻版，當時町田澤維亞贏3比1捧盃，不過佢哋近期硬仗連場，兩回合賽事唔會過於急進，作客好大機會「歎慢板」，今場首選2.5球入球細。
（無綫myTV SUPER周三晚6時直播）文:工廠仔
町田澤維亞硬仗多先求穩
町田澤維亞要兼顧日職同亞冠盃2，表現難免顧此失彼，尤其最近場場都係惡戰，球隊亦採取以穩為先策略。町田澤維亞防守非常穩健，近10場賽事有9場保持不失，但最近穩打穩紮，連入波都直線下滑，上場悶和廣島三箭，係佢哋連續3場聯賽打和0比0，最近5場比賽有4場開2球或以下。
主場出擊嘅神戶勝利船，亦要同時兼顧亞冠精英盃，上場聯賽激戰浦和紅鑽打和2比2，球員負荷甚重，今場想谷亦有心無力。睇番兩隊過去5次交手，有4次總入球開2球或以下，似乎雙方都唔敢輕率進攻，而且今場只係首回合賽事，搶攻意欲唔高，博入球細穩陣。
