今晚U23亞洲盃上演揭幕戰，A組澳洲U23鬥約旦U23。澳洲U23對上兩屆都打入4強，戰績相當穩定，自然以冠軍做目標。佢哋陣容雄厚，不過多位進攻主力未獲歐洲球會放人，對入球效率或有影響，面對約旦U23未必可予取以攜，隨時小勝收貨，2.5球入球細係上上之選。（HOY TV 76台周一晚9時直播）
澳洲U23今次並唔「齊腳」，效力赫斯嘅尼奧雲賀夫、帕爾馬嘅施卡迪及白禮頓嘅佩比安等都未獲所屬球會放人，教練域馬話對U23亞洲盃未被編入國際足協賽期表示失望。不過域馬亦爭議性冇選今夏加盟拜仁慕尼黑嘅新星伊蘭昆達，令鋒力進一步削弱。
約旦屯重兵輸少當贏
澳洲U23同大國腳一樣，球員體能同控球意識較強，但入球能力一般，近6場U23亞洲盃分組賽就有5場總入球為2球或以下。約旦U23自知技不如人，必屯重兵死守，甚至乎唔使大敗都收貨，澳洲U23贏波唔難，但未必會如預期大捷，入球細值捧。
