足智彩球賽編號：FB5893
里爾 VS 里昂
香港時間周二凌晨3:00開賽
推介：入球大細[2.5球]大
今晚英超有水晶宮對曼聯的不錯戲碼，但同時段的法甲獨腳戲里爾對里昂或許更刺激，前者要爭歐聯席位，後者有拿卡錫迪大勇，今場入球數字肯定有保證。日職方面，廣島三箭靠主場氣勢必能壓倒二連敗的名古屋鯨魚，只讓一球莊家信心十足，坐和望贏格。另外同日意甲，阿特蘭大即使作客也穩炒沙蘭力坦拿，3:0波膽好路又好分，值博度高。
里爾和里昂兩隊俱在法甲的下半季漸入佳境，其中里爾現時只落後第3位的比斯特兩分，今場定必戰意十足，然而今場對手里昂狀態亦佳，近期更有老將射手拿卡錫迪着晒火，入球停不了，兩軍火併下今場勢必大手交易，入球大細兩球半大盤絕對穩開。
早前在歐協聯8強以互射十二碼被阿士東維拉淘汰的里爾，現時只能專注於聯賽，更由於第3位的比斯特再度失分，今場只要全取3分即能反壓對手佔據最後一席歐聯席位，今場戰意毋庸置疑，加上主場戰績冠絕法甲，聯賽15場主場取得11勝3和1負，近4次主場亦取得全勝兼入8球，戰意及火力皆不缺下，已是入球保證。
里昂陣中的前阿仙奴鋒將拿卡錫迪重拾射手本色，近5場賽事入5球，至今在聯賽累積入16球，其表現最終協助今季再度出閘脫腳，但下半季明顯回勇的里昂在近8場賽事錄得6勝1和1負，只敗於巴黎聖日耳門腳下，另外亦在法國盃殺入決賽，球隊士氣亦因而正處於高點。事實上，里昂作客負於聖日耳門前，本已累積6連勝，每場亦最少取得兩個入球，火力極佳，主場的里爾定難保清白之身。
今場里爾必主動圖搶3分，里昂亦需保持佳態和走勢備戰法國盃決賽，今場雙方難免正面駁火而出現較多入球，保持里昂連續5場開入球大盤的走勢，入球大細兩球半大盤可謂毫無難度。星島波神
