歐霸盃第6輪大戰，費倫巴治主場迎戰畢爾包。今季由「寸王」摩連奴領軍嘅費倫巴治，成績算唔錯，不過佢哋啱啱喺土超大戰比錫達斯輸波，難免打擊士氣，讓唔起異軍突起嘅畢爾包，讓球客勝值博。（Now 643周三晚11時30分直播）文:邪神
惡戰連場唔輸都收貨
費倫巴治上場土超0比1不敵「死對頭」比錫達斯，聯賽5連勝斷纜，暫時仍然排第2，至於歐霸盃5輪則以2勝2和1負排15位，只要保持現時走勢出線應該唔難，但要躋身前8名就唔容易。睇番賽程，今場費倫巴治對完畢爾包，之後對手仲有里昂同米迪蘭特，相信摩連奴心中有數，佢手上只有迪斯高同杜辛泰迪治等老將可用，對住強勢嘅畢爾包唔輸都收貨。
畢爾包由前巴塞隆拿教練華爾維迪領軍，勝在踢法穩健，防守堅固，前線有西班牙歐國盃冠軍功臣翼鋒尼高拉斯威廉斯坐鎮，上季奪得西班牙盃打破40年錦標荒，今季表現更進一步，近11場錄得8勝3和不敗，其中近5場仲贏晒，包括上周中擊敗皇家馬德里，銳不可當。
睇埋歐霸盃戰績，畢爾包首5輪取得4勝1和，今場對完費倫巴治，之後兩場對手係比錫達斯同柏辛域陀尼亞，目標係爭取前8名晉級，預計即使作客都可以全身而退，讓球客勝抵玩。
